نشر الممثل يوسف الخال على صفحته الخاصة على تويتر رسالة عن “صرخة مواطن” قائلاً: “صرخة مواطن…لا فنان ولا بلّوط…” وكتب الخال “كيف إلو عين يحكي اللي قاتل سوريا صار موظف عندها كيف إلو عين اللي كان يسبّ الحريرية السياسية من ورا الحواجز ع نهر الكلب لتسكير المنطقة الشرقية وإضعافها لإنعاش بيروت صار بدو الرضى تيعمل رئيس واللي كان يكتب ع الحيطان عون راجع صار يتمنى يكتب عون رايح، كان في نكتة من زمان إنو ما في شي بيجمع بري وجنبلاط غير قنينة الـ J&Bهلق صاروا متفقين على كل شي..” واضاف: “كانوا أهلنا يقولولنا نحنا وصغار “شو بكن يا ولاد ما تتخانقوا صايرين متل أمل وحزب الله” وهلّق هنّي أقوى حلفا، كنا نحكي عن الخوة اللي بياخذوها الميلشيات من البلديات والبيوت هلّق صاروا بيرشحوا زيت، دخلكن ليش منركض ومنخاف ما ندفع ميكانيك وكل جورة على الطريق قد ساحة السرايا؟” وتابع الخال: “حدا يفسرلي ليش لبنان البلد الوحيد يللي السيارة بتتسجل فيه كل ما تنباع… بكمل أو بكفي؟ بلا ما كفي اللي عددته بزيادة ليسبب بإنقلاب كامل على هالسلطة بداية بعصيان مدني شامل.. أو لا حياة لمن تنادي؟؟؟”