في عيد ميلادها الـ81 قدمت المخرجة ريما الرحباني معايدة من القلب مؤثرة لوالدتها الكبيرة السيدة فيروز فقالت:

"أوْقاتْ بفَكّر

لَوْ مَا إِنْتِ خلِقْتِ

مِينْ كَانْ رَحْ يكُونْ مَحَلّكْ؟

مِينْ كَانْ رَحْ يكُونْ إِنْتِ؟

يِمْكِنْ مَا حَدَا!

ويِمْكِنْ مَا كِنْتْ خلِقْتْ

لَوْ مَا إِنْتِ خلِقْتِ!

ويِمْكِنْ الله

كَانْ خَلَقْ وِحْدِة

إسِمْهَا مِتْلِكْ

وصَوْتهَا مِتْلِكْ

وتيَابْهَا مِتْلِكْ

وكِلْهَا مِتْلِكْ،

وِحْدِة تكُونْ إِنْتِ

بَسْ مِشْ إِنْتِ!

واللّي بَدّي أَعْرفُو

هُوّ إِذَا كِنْت رَحْ حِبْهَا

مِتْل مَا بحِبّكْ!!

1980"

وللمناسبة نفسها شمس الأغنية اللبنانية نجوى كرم على طريقتها هنأت السيدة فيروز بعيد ميلادها وكتبت عبر حسابها الرسمي :" بطل شمس العمر ع ملايكي ... التقت بصوت خرق الزماكين.. حتى بالنجوم يضل اسم لبنان .. من قلبي سلام لفيروز .. عيد الدني".